Accredited kami ng Department of Migrant Workers (DMW) with License #: DMW-100-LB-05292023-R na valid hanggang June 10, 2027. Makikita rin sa website na ito ang aming mga Job Orders na may stamp at approved ng Philippine Overseas Labor Office (POLO).

Karamihan sa mga Job Orders namin lalo na sa DH ay walang Placement Fee. Kung babae ka at mag-apply na DH sa Saudi, may allowance ka pang P5,000.00 mula sa amin at sagot na rin namin lahat ng documentation, passporting, process, medical, training at pati pamasahe mo mula sa probinsiya.

Sa mga skilled worker naman, susundin natin ang itinakda ng POEA na rate na one month salary bilang Placement Fee. Bilang skilled worker, gastos nyo rin po ang Medical ninyo.

Dalawang klase po ang illegal recruiters. Ang isa ay madaling makilala sapagkat manghihingi kaagad ng pera sa inyo. Ang isa naman ay sisilawin kayo sa malaking perang ibibigay sa inyo pero ibebenta naman kayo sa mga among malulupit o may kaso at blocklisted na sa ating POLO Office sa ibang bansa. Ugaliing hingian ng ID ng agency ang mga recruiter ninyo at hanapan sila ng Special Recruitment Authority (SRA) mula sa POEA bilang patunay na sila ay nagpaalam sa inyong local PESO office.

Simula po sa 24 years old hanggang 45 years old. Kung ex-abroad ka naman at magaling na cook o lady driver, tatanggapin ka namin kahit lampas ka nang 50 years old.

Sa Hong Kong po ay hindi libre ang process, medical at training. Tanging plane ticket ninyo lang mula Manila hanggang HK ang sinasagot ng employer ninyo. Kung first timer kayo, gagastos kayo ng P40,000.00 para sa Medical, TESDA, PDOS at OWWA training.  Sa mga ex-abroad, nasa P32,000.00 na lang magagastos dahil hindi na kayo mag TESDA Training. Dagdag ninyo pa ang bayad sa Accommodation na P150/day para sa pagkain at tulugan. Kung wala pa kayong ganun kalaking pera, try nyo muna mag Saudi, Qatar, Jordan o Malaysia, libre ang process, medical, trainings at maging accommodation, transportation at pagkain sa mga bansang ito.